दक्ष खेलाडी उत्पादन गर्न, युवाहरुलाई स्नोकर खेल प्रति आकर्षित गर्ने उद्धेश्यले बागलुङ नगरपालिका वडा नं. ०३ फेन्ड्ली स्नोकर हाउसमा सञ्चालित दोस्रो खुल्ला स्नोकर प्रतियोगिताको उपाधी भिम रसाईलीले उचालेका छन् ।
गुठी युवा क्लब, बागलुङको आयोजना गरेको प्रतियोगिताको फाइनल खेलमा बानपा ०३ गुठीका रसाईलीले बानपा ०२ रुद्रेपिपलका अभिनास बोसेललाई पराजित गर्दै उपाधी हात पारेका हुन् ।

यही १२ र १३ गतेबाट संचालन भएको प्रतियोगितामा बिजेता हुने रसाईलीलाई लोकल खसी, ट्रफी, मेडल प्रमाण–पत्र, उपबिजेता हुने बोसेललाई २ वटा लोकल कुखुरा, ट्रफी, मेडल प्रमाण–पत्र प्रदान गरिएको थियो ।
त्यसैगरी प्रतियोगितामा उत्कृष्ट खेलाडी बानपा ०३ का आशिष खड्कालाई घोषित गर्दै १ थान स्ट्रिकसहित प्रमाण–पत्र कार्यक्रमका प्रमुख अतिथी, अध्यक्ष, विशिष्ट अतिथी लगायत अतिथीहरुले प्रदान गरेका थिए ।

समापन कार्यक्रममा भष्ट्रचार विरुद्ध नागरिक अभियान उपाध्यक्ष एक बहादुर केसी संगमले मन्तव्य राखेका थिए ।
प्रतियोगिता गुठी युवा क्लवका सचिव सुवास रुचालको संचालन, उपाध्यक्ष अमन रुचालको गुप्ताको अध्यक्षता तथा बागलुङ नगरपालिका वडा नं. ०३ का कार्यवाहक वडा अध्यक्ष अर्जुन खड्काको प्रमुख आतिथ्यतामा सम्पन्न भएको थियो ।

अन्य फोटोहरु हेर्नुहोस्ः