महोत्सवको तयारी तिब्र

-- जिवन थापा मगर / प्रकाशित मिति : शुक्रबार, पुस २०, २०७५

आगामि पुसको २७ गतेदेखी सुरु हुने प्रथम जैमिनी महोत्सवको तयारी तिव्र पारिएको छ । सहारा क्लव कुश्मीशेराले महोत्सवको तयारीलाई तिब्र बनाएको हो ।

महोत्सवको लागि आवश्यक पुर्वाधार निर्माण, आर्थिक संकलन, प्रतियोगिताहरुका लागि आवश्यक सामग्रिको तयारी, निमन्त्रणा लगायतका कार्य तिब्र बनाईएको सहारा क्लव कुश्मीशेराका अध्यक्ष सुरेश सुनारले जानकारी दिनुभयो । महोत्सवको प्रमुख आकर्षणको रुपमा रहेका शैक्षिक तथा कृषि प्रदर्शनीको तयारीलाई समेत तिब्र बनाईएको सुनारले जानकारी दिनुभयो ।

जैमिनी नगरपालिकाको शिक्षा शाखाको सहयोगमा शैक्षिक प्रदर्शनीको तयारी भैरहेको छ भने कृषि तथा पशुसेवा शाखाको सहयोगमा कृषि प्रदशर्नीको तयारी भैरहेको छ । सहरा मैदानमा हुने महोत्सवको लागि मैदानको व्यवस्थापन, रमाईलो मेला, स्टल निर्माण र मैदान सम्म पुग्ने सडकको मर्मत लगायतका कामलाई समेत तिब्र बनाईएको क्लवका सचिव दिलिप थापाले बताउनुभयो ।

स्थानिय लोक संकृतिको प्रदर्शनको तायरी भैरहेकाले जैमिनी नगरपालिकाका सबै वडा सँगको सहकार्यमा स्थानिय कला संकृतिको खोजी र प्रदर्शनका लागि तयारीका कामले समेत तिब्रता पाएका छन् । महोत्सवको मुख्य समारोह माघ १ गते उपराष्ट्र पति नन्द किसोर पुनले उद्घाटन गर्ने तय भएको सहारा क्लवले जनाएको छ । ७ दिन लामो महोत्सवको पुस २७ गते देखी सुरु हुने भएपनि माघ १ गते मुख्य समारोहको आयोजना गरीएको हो । ऐतिहाँसीक माघेशक्रान्ति मेलालाई यस बर्ष प्रथम जैमिनी महोत्सवको रुपमा मनाउन लागिएको हो ।