धौलागिरी बहुमुखी क्याम्पसमा क्रियाशिल नेपाल कम्युनिष्ट पार्टी निकट विद्यार्थी संगठन अनेरास्ववीयु र अनेरास्ववीयु क्रान्तिकारीको संयुक्त आयोजनामा संकाय स्तरीय छात्र भलिबल प्रतियोगिता सम्पन्न भएको छ ।

नवआगन्तु विद्यार्थीहरुलाई स्वागत सहित विद्यार्थीहरुको अन्र्तनिहित प्रतिभा प्रस्फुटन गर्ने उद्देश्यले आयोजित संकाय स्तरीय छात्र भलिबल प्रतियोगिता बिबिएस संकाय प्रथम, बिएसी संकाय द्धितिय भएका छन् ।

यस्तै छात्रा रस्साकस्सी प्रतियोगितामा ज्योती क्षेत्री र अमृता क्षेत्रीको समहु प्रथम एवं सरु गौतमको समुह द्धितिय भएका छन् ।

भलिबल प्रतियोगिताको प्रथम र द्धितिय हुने टिमलाई क्रमश: नगद ५ हजार र २ हजार ५ सय रुपैयाा सहित मेडल र प्रमाण–पत्र प्रदान गरिएको थियो ।

यस्तै संकाय स्तरीय छात्रा लठ्ठो तान्ने प्रतियोगिताको प्रथम र द्धितिय हुने टिमले क्रमश: २ हजार र १ हजार रुपैयाा प्राप्त गरेका छन् ।

कार्यक्रममा क्याम्पस प्रमुख रामप्रसाद उपाध्यायले विद्यार्थीहरुलाई सैद्धान्तिक ज्ञान मात्र नभएर व्यवहारिक ज्ञान प्रदान गर्न आवश्यक रहेको बताउनुभयो । पछिल्लो समय खेल क्षेत्रमा रुची राख्नेको संख्या बढ्दै गएकाले खेल क्षेत्रको विकास गर्नुपर्ने बताउनुभयो । कार्यक्रममा अनेरास्ववियु जिल्ला सचिव शिव शर्माले पनि मन्तव्य राख्नुभएको थियो ।

कार्यक्रम अनेरास्ववियु जिल्ला सचिवालय सदस्य रोशन कुावरको अध्यक्षता, अनेरास्ववियु क्रान्तिकारीका केन्द्रिय सदस्य जिवन शर्माको स्वागत मन्तव्य र अनेरास्ववियुका जिल्ला सदस्य अनिल शर्माको सञ्चालनमा सम्पन्न भएको थियो ।