अमेरिकामा रहेका प्रतिभाशाली गायक सर्जक दिलिपकुमार श्रीसले पुतली सार्वजनिक गरेका छन् ।

श्रीसको एकल शव्द, संगित र स्वरमा सजिएको लोक पप गितहरुको सँगालो ‘पुतली’को म्युजिक भिडियो सोमवार युट्युव मार्फत सार्वजनिक गरिएको हो । बागलुङको काठेखोला गाउँपालिका ३ धम्जा ओखेलमा जन्मिएका गायक श्रीस हाल अध्ययन तथा रोजगारको शिलशिलामा अमेरिकाको न्युयोर्कमा रहेका छन् ।

बिदेशमा गए पनि गित संगित प्रतिको लगावलाई निरन्तरता दिइरहेका श्रीसले पछिल्लो लोकपप गितलाई पनि श्रोता दर्शकले मन पराउने बिश्वास व्यक्त गरे । ‘अहिलेको गित पनि केही रोमान्टिक मोडको छ,’ उनले भने, ‘श्रोता दर्शकले सुन्दा र भिडियो हेर्दा एक खालको आनन्दित महुशुस गर्ने मैले अपेक्षा गरेको छु ।’

चर्चित निर्देशक बिक्की पुलामीको निर्देशन रहेको म्युजिक भिडियोमा गायक श्रीस सँगै चर्चित मोडेल पार्वति राई, सुरेश पुन र सुनिल मगरको पनि अभिनय र नाँच देख्न सकिन्छ । चर्चित मोडेल तथा निर्देशक शंकर बिसीको कोरियोग्राफी रहेको म्युजिक भिडियोको शम्भु मोक्तानले छांयाकन तथा प्रविण श्रेष्ठले सम्पादन गरेका छन् ।