गण्डकी प्रदेश सभाका सांसद इन्द्रलाल सापकोटाले स्वदेशमा रोजगारी सिर्जना गर्ने र समाजमा अत्यावश्यक जनशक्तिको आपुर्ति हुने किसिमको शिक्षा प्रणालीको आवश्यकता औल्याउनु भएको छ ।

धौलागिरि बहुमुखी क्याम्पसको ५६ औँ बार्षिकोत्सवका अवसरमा आयोजित मुल समारोहमा सम्बोधन गर्दै सांसद सापकोटाले अनुसन्धनात्मक शिक्षाको विकास गर्नुपर्नेमा जोड दिनुभयो ।
सापकोटाले सरकारले नीति, नियम र ऐन निर्माण गर्ने र निजी क्षेत्रले लगानी गर्ने वातावरण सिर्जना गर्नका लागि प्रदेश संसदमा आवाज उठाईरहेको सापकोटाको भनाई छ ।

कार्यक्रममा प्रदेश सांसद डिलकुमारी रोकाले सडक, खानेपानी, शिक्षा, स्वास्थ्य लगायत पुर्वाधार विकासमा आफ्नो तर्फबाट प्रयास गरेको भन्दै शिक्षा क्षेत्रमा लगानी थप गर्नुपर्ने बताउनुभयो । दक्ष शिक्षक भएमा मात्रै गुणस्तरीय शिक्षा प्रदान गर्न सकिने भन्दै उहाले शिक्षा क्षेत्रलाई फराकिलो बनाउन आवश्यक रहेको औँल्याउनुभयो ।

कार्यक्रममा क्याम्पस प्रमुख रामप्रसाद उपाध्ययाले धवलागिरी बहमुखी क्याम्पसको प्रगती विवरण पेश गर्दै आर्थिक संकटको बीचमा क्याम्पस संचालन भैरहेको भन्दै क्याम्पसलाई पुर्नजीवन दिनका लागि सबैको चासो र सहयोगमा जोड दिनुभयो । हाल ८४ रोपनी जमिनमा फैलिएको क्याम्पस भएपनि आन्तरिक आय निकै कम रहेको बताइएको छ ।

कार्यक्रममा नेकपाका जिल्ला संयन्त्र सदस्य लालबहादुर थापा, नेपाली कांग्रेसका जिल्ला सचिव नवराज पौडेल, पुर्व बिद्यार्थी संगठनका चिरञ्जिवी गौतम, राष्ट्रिय जनमोर्चाका सचिव भिमलाल पोखरेल, स्ववियु सभापति मनिष थापा लगायतले बोल्नुभएको थियो ।

क्याम्पस प्रमुख रामप्रसाद उपाध्यायको अध्यक्षता, सहायक क्याम्पस प्रमुख धुव्र गौतमको स्वागत र तिलक कंडेलको संचालनमा सम्पन्न कार्यक्रममा राजनीतिक दलका प्रतिनिधि, प्राध्यापक तथा कर्मचारी संगठनका प्रतिनिधिहरुले पनि क्याम्पसलाई चुस्त व्यवस्थापनका साथ अगाडि बढाउन आग्रह गरेका थिए ।

वार्षिकोत्सवको अवसरमा आयोजित बिभिन्न प्रतियोगितामा बिजयी विद्यार्थीलाई पुरस्कार तथा प्रमाणपत्र वितरण गरिएको थियो । क्याम्पसले विगत १६ बर्षदेखि समाजशाष्त्र मानवशास्त्रको स्नातकोत्तर तहमा पढाई संचालन गर्दै आएको छ ।